យន្តហោះយោធាធ្លាក់នៅវៀតណាម បាត់ខ្លួនអ្នកបើក២នាក់
អ្នកបើកបរយន្តហោះ២នាក់ កំពុងបាត់ខ្លួននៅវៀតណាម បន្ទាប់ពីមានសេចក្ដីរាយការណ៍អំពីឧបទ្ទវហេតុធ្លាក់យន្តហោះយោធា... The post យន្តហោះយោធាធ្លាក់នៅវៀតណាម បាត់ខ្លួនអ្នកបើក២នាក់ appeared first on Kampuchea Thmey Daily.
អ្នកបើកបរយន្តហោះ២នាក់ កំពុងបាត់ខ្លួននៅវៀតណាម បន្ទាប់ពីមានសេចក្ដីរាយការណ៍អំពីឧបទ្ទវហេតុធ្លាក់យន្តហោះយោធា១គ្រឿងនៅថ្ងៃពុធទី៦ខែវិច្ឆិកាឆ្នាំ២០២៤នេះ។
គ្រោះថ្នាក់នេះ កើតឡើងនៅក្នុងខេត្ត Binh Dinh ហើយយន្តហោះដែលធ្លាក់ ជាប្រភេទយន្តហោះហ្វឹកហាត់ប្រយុទ្ធធុនស្រាល ម៉ូឌែល Yak-130 ផលិតដោយរុស្ស៊ី។
ដំណឹងនៃគ្រោះថ្នាក់នេះ ដំបូងឡើយត្រូវបានចុះផ្សាយដោយសារព័ត៌មានវៀតណាមធំៗចំនួន២គឺ VnExpress និង Tuoi Tre។ យ៉ាងណាមិញ អត្ថបទព័ត៌មានពីការធ្លាក់យន្តហោះយោធានេះ ត្រូវបានលុបចោលវិញ។ ចំណែកឯ ក្រសួងការពារជាតិវៀតណាម ក៏មិនធ្វើការអត្ថាធិប្បាយលើរឿងនេះភ្លាមៗដែរ។
គ្រោះថ្នាក់ធ្លាក់យន្តហោះយោធា បានបង្កជាក្ដីព្រួយបារម្ភនៅវៀតណាម ដោយកាលពីឆ្នាំមុន ក៏មានករណីធ្លាក់យន្តហោះ១គ្រឿង ម៉ូឌែល Su-22 ហើយក៏ត្រូវបានផលិតដោយរុស្ស៊ីផងដែរ ដែលបណ្ដាលឲ្យអ្នកបើកម្នាក់បាត់បង់ជីវិត៕
ដោយ៖ ឈាង
The post យន្តហោះយោធាធ្លាក់នៅវៀតណាម បាត់ខ្លួនអ្នកបើក២នាក់ appeared first on Kampuchea Thmey Daily.
