បេក្ខភាព Miss Global បន្ទាយមានជ័យ វ៉ាត ចិន្តា សុំទោសអ្នកគាំទ្រ ក្រោយឆ្លើយសំណួររអាក់រអួល

អ្នកគាំទ្រនិងនិយមតាមដានវិស័យបវរកញ្ញានៅកម្ពុជា បានផ្ទុះការវែកញែក និងខ្លះទៀតរិះគន់ទៅលើបេក្ខភាពប្រកួត Miss Global Cambodia ខេត្តបន្ទាយមានជ័យ កញ្ញា វ៉ាត ចិន្តា ខណ:ដែលបរវកញ្ញារូបនេះ ឆ្លើយសំណួររអាក់រអួល ធ្វើឲ្យអ្នកទស្សនាហាក់ខកចិត្ត។ យ៉ាងណាមិញ សាម៉ីខ្លួនបានត្រឹមចេញមកសុំទោសអ្នកគាំទ្រ។

គួរជម្រាបថា ក្នុងវគ្គផ្តាច់ព្រ័ត្រនៃការប្រកួតកម្មវិធី Miss Global Cambodia 2024 បេក្ខនារីចំនួន ៦រូប តម្រូវឲ្យម្នាក់ៗឆ្លើយនឹងសំណួររបស់គណ:កម្មការដាក់ពិន្ទុ ទៅតាមសំណួរនីមួយៗដែលកម្មវិធីបានរៀបចំរួចជាស្រេច។ ក្នុង​ចំណោម​នោះ បេក្ខនារី ៥រូប បានឆ្លើយសំណួររៀងៗខ្លួន តែដោយឡែកបេក្ខនារីចុងក្រោយគឺ កញ្ញា វ៉ាត ចិន្តា បែរជាឆ្លើយមិនបានល្អ ដោយរអាក់រអួលខ្លាំង។

ដោយសារតែឃើញបែបនេះ បានធ្វើឲ្យអ្នកគាំទ្រ និងទស្សនិកជនមួយចំនួនហាក់ខកចិត្តចំពោះភាពរអាក់រអួន នៃការឆ្លើយពីសំណាក់បេក្ខនារី Miss Global បន្ទាយមានជ័យរូបនេះ។ ទោះបីជាយ៉ាងណា ក៏មានអ្នកគាំទ្រនិងមហាជនមួយចំនួនទៀត បានលើកទឹកចិត្តដល់កញ្ញា វ៉ាត ចិន្តា ផងដែរចំពោះបញ្ហានេះ។

ជាមួយគ្នានេះក៏បានការលើកឡើងស្នើដល់មហាជនថា នេះមិនមែនជាកំហុសទេគ្រាន់តែពេលខ្លះនាងអាចភ័យ ឬក៏ខ្វះការត្រៀមទុក ខណៈសាម៉ីខ្លួន បានត្រឹមតែបង្ហោះសារដោយខ្លីនៅលើគណនីហ្វេសប៊ុករបស់ខ្លួនថា “សុំទោសអ្នកទាំងអ ស់គ្នា” ៕ អត្ថបទ៖ ចាន់រ៉ា

The post បេក្ខភាព Miss Global បន្ទាយមានជ័យ វ៉ាត ចិន្តា សុំទោសអ្នកគាំទ្រ ក្រោយឆ្លើយសំណួររអាក់រអួល appeared first on Kampuchea Thmey Daily.