តារាសម្ដែង Song Jae-rim ទទួលមរណភាពក្នុងអាយុ ៣៩ ឆ្នាំ

យោងតាមប្រព័ន្ធផ្សព្វផ្សាយ OSEN បានឲ្យដឹងថា Song Jae Rim ត្រូវបានគេប្រទះឃើញស្លាប់កាលពីរសៀលថ្ងៃទី១២ ខែវិច្ឆិកា ក្នុងអាយុ ៣៩ឆ្នាំ។ ពិធីបុណ្យសពនឹងធ្វើឡើងនៅ Yeouido នៅថ្ងៃទី ១៤ ខែវិច្ឆិកាវេលាម៉ោង ១២ យប់។ ប៉ុន្តែកន្លែងបញ្ចុះសពមិនទាន់ត្រូវបានកំណត់នៅឡើយទេ។

យ៉ាងណា មូលហេតុនៃការស្លាប់របស់តារាសម្ដែងកូរ៉េរូបបនេះ គេនៅពុំទាន់ដឹងនូវឡើយទេ។

កើតនៅឆ្នាំ ១៩៨៥ Song Jae-rim ទទួលបានភាពល្បីល្បាញក្នុងឆ្នាំ ២០១២ ជាមួយនឹងរឿងភាគរបស់ MBC ដែលមានចំណងជើងថា “Moon Embracing the Sun” ។ លោកបានបន្តសម្តែងក្នុងរឿងភាគជាច្រើនដូចជារឿង “Cool Guys, Hot Ramen”, “Inspiring Generation”, “Two Weeks”, “Goodbye Mr. Black”, “Unkind Ladies”, “Our Gap-soon”, “Surfing House” ”, “I Wanna Hear Your Song” និង “Queen Woo”។ គាត់ក៏បានបង្ហាញខ្លួននៅក្នុងខ្សែភាពយន្តជាច្រើនដូចជា “Grand Prix”, “The Suspect” និង “Yaksha: Ruthless Operations” ។

ថ្មីៗនេះថែមទៀត គាត់បានឡើងឆាកក្នុងរឿង “La Rose de Versailles” ដែលបានបញ្ចប់នៅថ្ងៃទី ១៣ ខែតុលា។ ស្នាដៃចុងក្រោយរបស់គាត់ “My Military Valentine” ត្រូវបានចេញផ្សាយនៅលើវេទិកា OTT Rakuten Viki ក្នុងខែមិថុនា។

គាត់ក៏បានមានឥទ្ធិពលខ្លាំងនៅក្នុងកម្មវិធីចម្រុះ ដោយបង្ហាញពីភាពទាក់ទាញរបស់គាត់នៅលើកម្មវិធីជាច្រើនរួមមាន “We Got Married” “House Cook Master Baek” និង “Sixth Sense” ។ គាត់បានទទួលពានរង្វាន់ “គូស្វាមីភរិយាល្អបំផុត” នៅកម្មវិធី MBC Entertainment Awards ឆ្នាំ ២០១៤និង ពានរង្វាន់សម្តែងពិសេស តួសម្តែងក្នុងរឿងភាគ នៅកម្មវិធី SBS Drama Awards ឆ្នាំ ២០១៦ ដោយបង្ហាញពីភាពប៉ិនប្រសប់របស់គាត់ក្នុងវិស័យផ្សេងៗគ្នា៕

អត្ថបទ៖ សាង ស្រីល័ក្ខ

The post តារាសម្ដែង Song Jae-rim ទទួលមរណភាពក្នុងអាយុ ៣៩ ឆ្នាំ appeared first on Kampuchea Thmey Daily.