កម្ពុជា រងឥទ្ធិពលពីព្យុះចំនួន២ចាប់ពីថ្ងៃនេះ ដល់ថ្ងៃទី១២វិច្ឆិកា

ខណៈព្យុះទី២២ឈ្មោះ ឃីនស៊ីង (Yinxing) ដែលបានវិវដ្ដខ្លួនទៅជាព្យុះសង្ឃរា នៅមិនទាន់អស់ឥទ្ធិពលផងនោះ ព្យុះទី២៣ ឈ្មោះ តូរ៉ាជី គូរ៉ាជី (Toraji) បានកើតឡើងនៅសមុទ្រចិនខាងត្បូង ហើតក៏នឹងធ្វើឲ្យព្យុះទាំងពីរនេះមានឥទ្ធិពលខ្លាំងគ្របដណ្ដប់លើព្រះរាជាណាចក្រកម្ពុជាផងដែរ។

តាមការប្រកាសរបស់ក្រសួងធនធានទឹក និងឧតុនិយម នៅព្រឹកថ្ងៃទី១០ ខែវិច្ឆិកា នេះ ព្យុះទី២២ ឈ្មោះ ឃីនស៊ីង (Yinxing) បានវិវត្តទៅជាព្យុះសង្ឃរា ជាមួយព្យុះទី២៣ ឈ្មោះ តូរ៉ាជី គូរ៉ាជី (Toraji) ដែលកើតនៅសមុទ្រចិនខាងត្បូង និងមានឥទ្ធិពលខ្លាំងលើរបបខ្យល់មូសុងឦសាន ខណៈសម្ពាធទាបគ្របដណ្តប់លើសមុទ្រចិនខាងត្បូង ឈូងសមុទ្រថៃ និងគ្របដណ្តប់លើភាគខាងក្រោមនៃអាងទន្លេមេគង្គ និងលើព្រះរាជាណាច័ក្រកម្ពុជា។

តាមការប្រកាស ស្ថានភាពបែបនេះ ចាប់ពីថ្ងៃទី១០ ដល់ថ្ងៃទី១២ ខែវិច្ឆិកា ឆ្នាំ២០២៤ នឹងធ្វើឱ្យ តំបន់វាលទំនាប មានសីតុណ្ហភាពមធ្យមអប្បបរមា២១°C និងសីតុណ្ហភាពមធ្យមអតិបរមា៣១°C។ ខ្យល់បក់មក ពីទិសឦសាន នឹងទិសបូពីមានល្បឿនមធ្យម៣ម៉ែត្រ វិនាទី។ ខេត្តបន្ទាយមានជ័យ បាត់ដំបង ពោធិ៍សាត់ សៀមរាប កំពង់ឆ្នាំង កំពង់ធំ កំពង់ចាម ត្បូងឃ្មុំ ព្រៃវែង ស្វាយរៀង កណ្តាល តាកែវ និងភ្នំពេញ អាចមានភ្លៀងធ្លាក់ជាមួយផ្គរ រន្ទះ និងខ្យល់កន្ត្រាក់គ្របដណ្តប់លើផ្ទៃ ដី១០%។

តំបន់ខ្ពង់រាប មានសីតុណ្ហភាពមធ្យមអប្បបរមា២០°C និងសីតុណ្ហភាពមធ្យមអតិបរមា៣០°C សម្រាប់ខេត្ត កំពង់ស្ពឺ ប៉ៃលិន ស្ទឹងត្រែង និងខេត្តក្រចេះ។ ដោយឡែក ខេត្តរតនគិរី មណ្ឌលគិរី តំបន់ជួរ ភ្នំក្រវាញ និងជួរភ្នំដងរែក អាចមានសីតុណ្ហភាពមធ្យមអប្បបរមា១៩°C និងសីតុណ្ហភាព មធ្យមអតិបរមា៣០°C។ ខ្យល់បក់មកពីទិសឦសាន និងទិសបូព៌មានល្បឿនមធ្យម៤ ម៉ែត្រ/ វិនាទី។

តំបន់មាត់សមុទ្រ មានសីតុណ្ហភាពមធ្យមអប្បបរមា២១°C និងសីតុណ្ហភាពមធ្យមអតិបរមា៣១°C ។ ខ្យល់បក់ មកពីទិសឦសាន និងទិសអាគ្នេយ៍ មាន់ និងទិសអាគ្នេយ៍ មានល្បឿន មធ្យម ៣,៥ ម៉ែត្រ វិនាទី។ ខេត្តកោះកុង ព្រះសីហនុ កំពត កែប និងជួរភ្នំបូកគោ អាថ៌មានភ្លៀងធ្លាក់ជាមួយផ្គរ រន្ទះ និងខ្យល់កន្ត្រាក់ គ្របដណ្តប់លើផ្ទៃដី១៥%។ រលកសមុទ្រមានកម្ពស់មធ្យមអប្បបរមា០,៥០ម៉ែត្រ និងកម្ពស់មធ្យមអតិបរមា១,២៥ម៉ែត្រ៕

The post កម្ពុជា រងឥទ្ធិពលពីព្យុះចំនួន២ចាប់ពីថ្ងៃនេះ ដល់ថ្ងៃទី១២វិច្ឆិកា appeared first on Kampuchea Thmey Daily.